17/09/13

Gelara sartu bezain laster, irakasleak galdera bat luzatu digu. Hauxe zen galdera: 

Zein prestakuntza teknologiko behar dira lehen hezkuntzan irakasle izateko? 

Galdera hori egin ondoren, banan banan arbel digitalera atera gara eta bakoitzaren izena eta abizena idatzi ondoren, gure erantzuna ere idatzi dugu. Ondoren, lan modularreko taldeak egin ditugu eta galdera horren erantzun posibleen bila hasi gara berriro, hauek izan dira bururatu zaizkigun erantzunak:ordenagailua, interneta, aplikazioak, e mail, proiektorea, arbel digitala, inprimagailua, mekanografia, wifi-a eta webguneak. 

Baina azken finean konturatu gara aplikazioak eta tresna batzuk erabiltzen jakin behar dela, eta gero internet bidez, informazioa jaso, gorde, eraldatu eta partekatzen jakin behar dela. Gainera, oso garrantzitsua da, gizartea aldatzen doanez eta etengabe berrikuntzak ateratzen ari direnez, harekin batera berritzen joatea.